GULMOHAR – ગુલમ્હોર

લોકડાઉન ની આજ બપોરે નજર જ્યાં નાખી મેં બહાર

એક ગુલમ્હોર ની સાથે બીજા વૃક્ષો જોયા ચાર

વરંડા માં હિંચકે બેઠા બેઠા આવ્યો મને વિચાર

આજ ગુલમ્હોર ની સામે જોવા ની કરી નથી દરકાર

હું તો અહીં આજ–કાલ આવ્યો ગુલમ્હોર છે જૂનો

કેટલાય વર્ષો થી એ તો અહીં જ ઉભો છે સુનો

પીળા પુષ્પો થી મઢાઈ ગયો છે જાણે મઢ્યું છે સોનુ

કંઈ કેટલીયે વાર એવું થયું હશે પણ ધ્યાન ના ગયું કોઈ નું

બળબળતા તાપ માં એ તો એની મસ્તી માં જ ઝૂમે

થોડા થોડા પુષ્પો નીચે પડી ને રસ્તા ઓ ને ચૂમે

કેટલાયને આ બળતા તાપ માં એણે આપ્યો હશે છાંયો

એના માટે તો કોઈ નથી પોતાનો કે પછી પરાયો

આપણે સ્વાર્થી માનવ જાત તો પૃથ્વી નું ધ્યાન રાખીએ થોડું

લોકડાઉન આપણ ને શીખવે છે હજુ નથી થયું મોડું